Первый день весны казахстанцы встретят со словом «спасибо»
Ба щёляр ги жынму дуан чин.
Җы зусы дуҗун жынмуди хо бинщин!
Ба хо сычин дуәйи шыканди ган.
Җё винан ба заму ду йүан!
Чунтян. Җысы йи җү хуа. Кәсы җы йи җү хуа литу йисы тэ шындихын. Санйүә чў йи — җүнмый чунтянди сыхур долэли. Зу җы йитян Хазахстан гуйниди йиче минзў жынму җейин «Ганще» җечидини. «Ганще» җечи — җысы шыҗешон даҗунди тунйи, щёнхо зэмусы тэпин.
Заму ду җыдони Хазахстан гуйни җўди мощёр 130 ёнзы минзў жынму. Йинви щёнхо лян тунйи замуди Зунтун Н.А. Назарбаев ба та зу җунчынли. Хазахстан гуйту ба та да 2016 зу җейиндини. Җыгә җечиди дин дади вонщёнсы җё замуди худэму, шоннянму йигә ба йигә донсы, фубон, лянлуә дэ щёнхо. Гогощинщин гуә гуонйин, зэ фаҗон гуйтуди сычиншон шу ля шу бу шә хазахма, вурусма, хуэйзўма, таҗикма, узбекма, армянма вончян шыканди зу. Зу җы йитян йиче минзўму ги хазах жынму чынщин доще винанди сыхур таму ги ду чынли шули.
Зу җы йитян йиче щёнҗуонниди жынму мә шә ло-щё доли йүндун йүанзыли. Зу зэ җытар таму фали заёнди фашули – тёчи (шашки), щёнчи (шахматы), чүанҗи (бокс), җуй шынзы, пошу, волейбол, футбол дэ гәёнди бисэли.
Чунтянди тянти зущён лян дажынму, суй ваму йидани гощинли. Чин фынфыр гуади, жәту сэди шызэ хокан. Жынмуди щинни тэ футан. Зохуа зу лян жынму йидани гощинли. Чито ниму йиче минзўму җё җы җи җү хуа фанчон лян ниму йидани вончян зу.
Ухуар Сыва. Международная газета «Шёлковый путь сегодня».