Вәму җинтян ги щинлищүә-җийиҗя Юлия Сапрыкина гили җигә сыйүнди вынти: «Замуҗя хэ лющинди сыҗян лян щинфын җынҗанни, мәю дэфуди фынфу нын хә җы щинфынди йүә бу нын хә зэмусы зэ нагә дифон ё зо шонлёнди бонцучини»?
Лян вә дуймян танхуади дэфу щянчян зу фәсы: – Хэ лющинбинди сыҗян жынди щинлиди дантў – җы зусы йи да дуй щян хэпади бодо – ба бинжынди щинфын йүәщин вонче дэдини. Да җыгәшон, – щинлищүәҗя кә фәди: – Кыргызстанди бинжынму йидин ё шо тин луан хуади бодони.
Юлия Сапрыкина чў җўйиди хан фәди: – До җыгә винан сыҗян йүә җыдоди дуә – йүә хо, гуонсы мый йигәр ё бо минбыйни, вәму нын сыйүн да җын дифоншон лэди бодо, зэ халэ бу ё мессенджершонди додуәлуә ха жынди луан хуа. Жындон кан гәҗун-гәёнди юму гифә тэ хо, таму ги жынжын цун нанвынни.
– Мәю дэфуди фынфу, – щинлищүәҗя вон минбыйни кә боди фәсы, – тиҗи суйбяр бу нын хә ги щин ги нанвынди йүә. Вәё вонха я җизо, җындон ё сыхуан юди гәҗун-гәёнди җяндан фонфани, зущён санбу җуан гэ, хуан чиху фонфа зэмусы щё йүндун йинган, билүн, йога фашу. Дин ёҗинди – ё дуәдуәр кан ги жынжын гунйүн хочўди, ги та вонвонди вон минбый-щиндун бёфә лющинбин либянди гәжў-гәёнди щинвынни, йинцы җымуҗяди йинган йидин ги йиче дуан бу шоди до ташон ю шын йисыди шынти җиншынни. Дансы сый зунсы тянтян-вумый чүәдуан шынти җиншын, бу җыдо каншу тиҗиди җянконди банфа, зэ халэ ви гәён-гәҗунди луан йисы бу дый шын нанвын – җытар йидин ё зо сыйүнди канбинди җуанмынҗячини.
– Сан җү нан щинди хуа зусы йиёнзы хо банфа, – Юлия Сапрыкина фәди. До җытар лян вә дуй хуади дэфу кә җешон фәди: – Бишкек чынни гәҗун-гәёнди гуәҗяди щинлищүә җунщин зэмусы тиҗиди щинлищүә хуэййи ги йиче бинжын ду гуни. Чўгугә җыгә Кыргызстан җўди мый йигә быйщин хан ю бынвон щинлищүә бонцуди җыншы куэбан лўфуди фонфани.
Вәму фабё Кыргыстанди быйщинму нын бынвон щинлищүә җуанмынҗяди бонцуди дянхуа:
- Бишкек чынди РЦПЗди Эртун щинли йисын (Клинический психолог РЦПЗ города Бишкек) Рустам кызы Бакыткуль – 0554-664-774.
- Бишкек чынди РЦПЗди Линчуан щинлищүәҗя (Клинический психолог РЦПЗ города Бишкек) Бровкина Светлана Николаевна –0551-949-549.
- Щинлищүәҗя, к.п.н., доцент, ОШГУди җёщүә, щинлищүә зэмусы йүндун тёёнди щи (Психолог к.п.н., доцент завотделом психологии факультета Педагогика, психология и физического воспитания (ППиФВ) ОшГУ) Жолдошева Акчач Олмасовна – 0772-702-642.
- Җохў кәлян ложынди куэщян (Горячая линия для малоимущих пожилых людей): Ширин – 0559-600-687, Алина – 0990-222-503, Айнурайым – 0990-222-340.
- РЦПЗди Щин шын җибинди җуанмынҗя (Заведующая отделением психосоматических расстройств РЦПЗ) Базарбаева Гульмира 0557-272-741.
Юлия Улитина шәлүхади цэлё.
«Җы йипян вынҗонсы чечў Европа Лянбонди чянщёнди бонцу шәлүхади. Гуонсы цэлё йинви «Институт гражданских инициатив» щечўлэди, да җыгәшон тади җын йисы лян «Европа Лянбонди» җокан мәю лянщи».
Фанйисы Хуэйзў зэмусы ханйү җунщинди куәщүәжынму йүвын бәшы, җёшу Исхар Шысыр, йүвын янҗюҗя Фатима Хавазы.