Няннян эрйүә 21 чүан шыҗе гуә гуйҗи фуму йүянди жызыдини. Җы йитян йичеди хуэйзў щёнҗуонниди щүәтонни, җуонщюди шызэ хокан. Йинцысы җёйүан туанти зэмусы щүәсынму на да чищин ги җыгы жызы зўли да шәлүли: на фуму йүян щели вынҗонли, нянли юмин сыҗяди, щеҗяди сывын, щёфәли, чонли чүзыли.

Билүн, Александровка щёнҗуонниди вынмин җунщин зэ Москва районниди вынмин дянни лян хырхыз, вурус, украина, курд, щехуэйди цанҗяму йиданни гуәли фуму йүянди жызыли. Зэ жытар кучуан вынщүә щёнчин туанди линшу Юнуза Сулейман фали хуэйзў йиндёли, Исма Махмуд чонли чүзыли, Э. Эрбудў щүәтонниди нүщүәсын Исма Ханифа нянли сывынли. Зэ җытар мый йигә минзў фәли зыҗиди лисыли, куйчынли. Даҗя жыдони фуму йүян-җысы минзўди гын, шоншы. Ба тади лисы, вынхуа ё җыхани. Ба фуму йүян йидин ё каншухани, ги тади  фаҗон ё люшынни.