Ба Яншанло Харсан Губеровичди зыҗуан ниму зэ «Эрдэх жынму зэ вуданщүан дэ кангў җынлиди»
буфынни нын нян.

Ё фәни, чўгуә шехуэйди дэ зыҗиди гунзуә, линйирди жызышон Харсан Губерович ги кучуан вынщүә лю да шындини; та зэ бынди щёнҗуонни да жынму гынчян шу кугәр, кулюр, цэхуар, зыфә дэ заён жәно щёфәдини. Зэ җыгә мянзышон вәму щён җё даҗя лян та шухади цэлё дэ зыфә жыншыйихар. кулюр, цэхуар, зыфә дэ заён жәно щёфәдини. Зэ җыгә мянзышон вәму щён җё даҗя лян та шухади цэлё дэ зыфә жыншыйихар.

Хо хуа бу чў мын,
Ха хуа йилю фын.

Җын дади кўлўн,
Ню дади фын.

Фан мә ян – фи йибан,
Жын мә чян – гуй йибан.

Хуон зуйгәр хан мә җондани,
Кәсы щён лян йин йиён җёхуан.

ЙИМАНИ

Фәсы Хуә, Фи, Фын дэ Йимани зусы җебэлиди дищүн. Таму сыҗи зэ йидарнилэ. Кәсы йихуэй йүли дуәбугуәчиди сычинли, таму мый йигәр ё зў хуәчини. Дищүнму пәфанди сылёнди заму кә йүмянни.
Хуә фәсы:
– Ниму дансы щён җян вә, ниму кан натар гон яндини. Мәю вәли, мәю ян.
Фи җешонли:
– Зокэ вәли, ниму зо визы. Визы мәю, вә бу җон.
Фын фәсы:
– Дищүнму, ниму кан, дансы найигә фу сосор дунтандини, вә зу зэ нэтарни.
Гуонсы Йимани бу янчуан, пәфанди, щён кў. Пын-юму ба та зу вынди:
– Ни виса зуәди бу янчуан?
Йимани хуэйдади:
– Хо-я, вәди дищүнму. Ниму линкэли, нын шудо йидарни. Кәсы ги вә Хўда мә ги нэгә нынгу. Дансы сый лян вә ликэ, йүншы лян вә бу дый до йидани. Цун җыгәшон вә пәфанди, ба ниму зэ бу дый җян.